
Հասարակական համակարգի զարգացման հիմնախնդիրները
Հովհաննես Հովհաննիսյան
Աշխատանքը նվիրված է 20-րդ դարի վերջին և 21-րդ դարասկզբին արմատական փոփոխությունների ենթարկված հասարակական համակարգերի հիմնախնդիրների լուսաբանմանն ու վերլուծությանը։ Քաղաքակրթության զարգացումը ներկայացնելով որպես հասարակական համակարգերի փոխակերպումների ու զարգացման արդյունք՝ հեղինակն ընդգծում է դրանց զարգացման հիմնական վեկտորների համակարգման, վերլուծության և կանխատեսման անհրաժեշտությունը։ Նշելով նման հետազոտությունների առանձնակի հրատապությունը հետխորհրդային տարածքի երկրների համար՝ Հովհ. Հովհաննիսյանն իր աշխատանքում կատարում է ՀՀ հասարակական համակարգի կառուցվածքային և ֆունկցիոնալ վերլուծություն։ Աշխատանքի նպատակն է նպաստել հասարակական ինստիտուտների զարգացմանը, կառավարման համակարգերի օպտիմալացմանը, քաղաքացիական հասարակության արդյունավետ մոդելների մշակմանը, այդ ճանապարհին եղած խոչընդոտների բացահայտմանն ու հաղթահարմանը։